Turk aktrisalari nega hanuz turmush qurmagan?

Turk kinosi va seriallarida nafaqat iste’dodi, balki tabiiy go‘zalligi bilan millionlab muxlislar qalbidan joy olgan aktrisalar borki, ularning shaxsiy hayoti doimo jamoatchilik diqqat markazida bo‘lib keladi. Ayniqsa, ayrim mashhur aktrisalarning haligacha turmush qurmagani ko‘pchilikni hayratga solmoqda. Muxlislar esa ularning hayotini qiziqish bilan kuzatib, qachon oq libos kiyishlarini intizorlik bilan kutmoqda.

Shulardan biri — Hande Erchel. U “Gunesh qizlari”, "Malikam endi qara" va “Eshigimni taqillat” kabi seriallar orqali keng ommaga tanilgan. Aktrisa ilk bor ekranda ko‘rinish bergan paytlardanoq muxlislar e’tiborini torta olgan. Ayniqsa, u Kerem Bursin bilan birga rol ijro etganidan so‘ng, ularning haqiqiy hayotda ham juftlik bo‘lishini istaganlar ko‘p bo‘lgan. Ma’lum vaqt davomida ular orasida munosabatlar ham bo‘lgan, ammo keyinchalik bu aloqa uzilgan. Shunga qaramay, aktrisaning oila qurish orzusi borligi, hatto onalik haqida o‘ylay boshlagani uning muxlislariga umid bag‘ishlaydi.

Yana bir yorqin yulduz — Jemre Baysel. U “Taqdir o‘yini” serialidagi roli orqali mashhurlikka erishgan. Serial davomida u Aytach bilan yaqinlashib, turk shou-biznesidagi eng chiroyli juftliklardan biriga aylangan edi. Biroq vaqt o‘tishi bilan ular munosabatlariga nuqta qo‘yganini ma’lum qildi. Shundan so‘ng aktrisa uzoq vaqt davomida shaxsiy hayotini sir saqlab kelmoqda.

Serenay Sarikaya esa butunlay boshqacha yo‘lni tanlagan. U “Fi Chi Pi” va “Oila” kabi seriallardagi rollari bilan mashhur bo‘lib, bugungi kunda o‘z kuchi va vaqtini faqat karyerasiga bag‘ishlamoqda. Aktrisa intervyularida turmushdan ko‘ra ijodiy o‘sishni ustun qo‘yayotganini ta’kidlab keladi.

Mutaxassislar fikricha, zamonaviy aktrisalar uchun shaxsiy hayotdan ko‘ra kasbiy rivojlanish ustuvor ahamiyat kasb etmoqda. Shu bilan birga, ular o‘z baxtini shoshilmay, to‘g‘ri insonni kutib topishni afzal ko‘rishmoqda.

Har holda, muxlislar uchun eng qizig‘i — bu yulduzlarning nafaqat ekrandagi, balki hayotdagi baxtli onlarini ko‘rishdir. Balki yaqin kelajakda ularning to‘y xabarlari ham muxlislarni quvontirishi mumkin.

⬅ Orqaga