Dunyodagi eng boy arab shayxi rafiqasi kim?

Dunyodagi eng badavlat insonlardan birining rafiqasini ko‘z oldingizga keltiring. Ko‘pchilik tasavvurida qimmatbaho liboslar kiygan, oltin va olmos taqinchoqlar bilan bezangan, faqat boylikka qiziqadigan ayol namoyon bo‘lishi mumkin. Biroq bu fikr har doim ham to‘g‘ri bo‘lavermaydi. Masalan, dunyodagi eng boy arab shayxlaridan birining rafiqasi bo‘lgan go‘zal, xayriya ishlariga faol va inson huquqlarini himoya qiluvchi malika Amir al-Tavil ana shunday ayollardan hisoblanadi.Malika Amira 1983 yil 15 noyabr kuni Saudiya Arabistonining Ar-Riyod shahrida dunyoga kelgan. U shahardagi maktabni tamomlagandan so‘ng Shveysariya va AQSHda ta’lim olishni davom ettirib, ilmiy darajaga ega bo‘lgan.

Sharq go‘zali o‘zining nafis va zamonaviy uslubi bilan mashhur bo‘lib, har bir obrazi bilan muxlislar e’tiborini tortadi. U tez-tez an’anaviy saudiya kiyimlari — abaya va hijobda ko‘rinib turadi, ammo shu bilan birga g‘arb moda uslubini ham yoqtiradi. Kiyinish masalasida u mablag‘ni cheklamaydi, shu sabab istasa Chanel, Dolce & Gabbana brendlarini, shuningdek H&M va Zara kabi kundalik liboslarni ham tanlashi mumkin.

Malika Amira 2008 yilda shahzoda Al-Valid bin Talal bilan nikoh qurgan. Ularning to‘y marosimiga dunyoning turli burchaklaridan ko‘plab mehmonlar tashrif buyurgan va har ikkisi ham Forbes ro‘yxatidagi shaxslar hisoblangan. Ularning muhabbat hikoyasi 2000-yillarda ish yuzasidan uchrashuvdan boshlangan. Yoshlar o‘rtasidagi katta farqqa qaramasdan, ular bir-biriga oshiq bo‘lishgan va oradan olti yil o‘tib munosabatlarini rasmiylashtirgan. Bu nikoh jamoatchilik orasida turli muhokamalarga sabab bo‘lgan, ko‘pchilik ajralish haqida ham taxmin qilgan. Biroq juftlik o‘zaro hurmat va muhabbatini ochiq namoyon etib kelgan.

Amira al-Tavil Saudiya jamiyatida o‘zining samimiyligi va nafosati bilan tanilgan nufuzli shaxs hisoblanadi. Uning hayoti tashqaridan qaraganda oson tuyulmasligi mumkin, chunki Amiraning zimmasida katta mas’uliyatlar mavjud. Shu bilan birga u o‘z maqomi va turmush o‘rtog‘ining obro‘siga munosib bo‘lib yashashi kerak. Malika faqat nom uchun emas, balki haqiqiy faolligi bilan jamoatchilik hurmatiga sazovor bo‘lgan. U insonlarga yordam berish va xayriya ishlari bilan shug‘ullanishni o‘z hayotining muhim qismiga aylantirgan. Bu esa mehnatsevarlik va bag‘rikenglikning yorqin timsoli sifatida namoyon bo‘ladi.

⬅ Назад