Disney multfilmi Zveropolis 2 kassa yig'imi rekord o'rnatdi
Disney’ning “Zveropolis 2” multfilmi kinoteatrlarda millionlab dollar yig'ishda davom etmoqda. Filmning global kassa yig'imi 1,588 milliard dollarga yetdi va yaqin kunlarda 1,6 milliardlik marrani ham ortda qoldirishi kutilmoqda. Shu tariqa u Disney tarixidagi eng ko‘p daromad keltirgan animatsion loyiha maqomini egalladi. Bu haqda playground.ru xabar beradi.
Davomiy qism ayniqsa Xitoy bozorida portladi: u yerda kartina 600 million dollardan ortiq daromad yig'ib, Xitoydagi eng muvaffaqiyatli gollivud kinoloyihasiga aylandi. Hozircha unga raqobat qila oladigan yagona nom sifatida “Avatar: Alanga va kul” tilga olinmoqda — bu film Xitoyda 100 million dollardan ziyod yig'ishga erishgan.
Yana bir muhim ko‘rsatkich: “Zveropolis 2” PG reytingidagi filmlar orasida 1 milliard dollarlik chegara eng tez bosib o‘tilgan loyiha bo‘ldi — bu natijaga premyeradan keyingi atigi 17 kun ichida erishilgan.
Shuningdek, “Zveropolis 2” 2025 yilda jahon prokatida 1 milliard dollardan oshgan atigi uch film qatoriga kirdi. Bu ro‘yxatda “Lilo va Stich” remeyki (1,03 mlrd) hamda yilning global yetakchisi bo‘lib turgan xitoy filmi “Nechja” (2,2 mlrd) ham bor.
⬅ НазадДругие новости
